هضحك عليك يعنى هضحك عليك!!!

السلام عليكم ورحمه الله وبركاتة
مش عارف اذا كان الموضوع الى هتكلم فية ده جديد ولا حد اتكلم فيه قبل كده
بس انا حبيت اتكلم فية واشوف اذا كنت الوحيد الى بعانى منه ولا فى ناس
كتير زيى
الموضوع ببساطه هو ان مبقاش فى ضمير عند الكتير من الناس بس مش كل الناس
اكيد وتلاقى الى قدامك مصمم يسرقك بالعافية... يعنى مثلا تروح محل تشترى
حاجه تلاقى البياع قاعد يقنع فيك ان دى احسن حاجه ومستورده واصلى بتاعت
بلدها وبعد ما تدفع فيها كل الى معاك تطلع فى الاخر مضروبة او تيجى مثلا
تجيب واحد يصلح اى حاجه فى البيت وتديله اللى هو عايزة اول ما يمشى
تلاقيها باظت تانى
وفى مرة روحت اجيب بنطلون دخلت محل وعجبنى واحد بقول للبياع بكام ده لاقيته ضربلى رقم فى السقف بقوله لية ومش لية يقولى ده تايلاندى هضحك عليك يعنى هضحك عليك!!! Jap

مش هتلاقى زية بيتلبس ويتقلع لوحده وقعد يقولى شعر فيةومش هتلاقية عند حد
تانى المهم احاول معاه انزل فى السعر شويه اجيله من هنا يجيلى من هنا
المهم مرضاش ينزل فية اكتر من 30جنية وقالى كده انا مش كسبان حاجه قولت
اخيرا عرفت اضحك على حد وخارج من عنده فرحان معايا بنطلون تايلاندى بقة
بعدها باسبوع نزلت مع واحد صحبى يجيب لبس وكنت لابس البنطلون ده المهم
دخلنا محل لاقيت الراجل بيقولى البنطلون ده من عندنا قولتله لا ده من محل
تانى قالى اصلنا بنبيع واحد زية والراجل التانى قايلى مش هتلاقية عند حد
تانى قولت مش مهم بس الفضول بتاعى بقه خلانى اسئل على سعرة وكانت المفاجاة
الراجل قالى على سعر اقل من اللى انا دفعته ب 70 جنية طبعا انا تنحت وكنت
هتشل وكنت عايز اولع فى البنطلون وفى الراجل وفى المحل الى اشتريت منهم
البنلطون هضحك عليك يعنى هضحك عليك!!! Icon1366

... وفى من الحاجات دى كتير.
معلش انا طولت عليكم بس كنت عايز اعرف اذا كان فى حد تانى بيقابل حاجات زى كده ولا انا اللى حظى كده.

» انت تعرف فتاه .. تحبها وتحبك .. تعرض هى عليك الزواج .. ترفض ام تقبل ؟